25.07.2010, - E Diel
Në Universitetin e Prizrenit sivjet do të vijojnë studimet 1200 student

Këtë e bëri të ditur Ministri i Arsimit shkencës dhe Teknologjisë z. Enver Hoxhaj në konferencën për media të organizuar me rastin e vizitës së Ministrit të Arsimit e të Shkencës së Shqipërisë z. Myqerem Tafaj që gjatë këtyre dy ditëve i bëri qytetit historik.

Ministri i Arsimit e Shkencës së Shqipërisë z Myqerem Tafaj, të shtunën dhe të dielën qëndroi për një vizitë zyrtare në qytetin e Prizrenit, me q`rast të shoqëruar nga ministri i MASHT-it z.Enver Hoxhaj me bashkëpunëtorë u pritën nga kryetari i komunës së Prizrenit Ramadan Muja.

Të dy ministrat, Hoxhaj dhe Tafaj si dhe kryetari i komunës së Prizrenit z. Muja, biseduan për zhvillimet aktuale shoqëroro politike të vendit si dhe perspektivën e bashkëpunimit të ndërsjellë në mes dy vendeve ne fushën e arsimit, me theks të veçantë funksionalizimin e Universitetit të Prizrenit.

Në konferencën për media, Ministri Hoxhaj deklaroi se themelimi i UP është në funksion përfshirjes sa më të madhe të rinisë në shkollimin e lartë dhe të rritjes së cilësisë në këtë nivel shkollimi në Kosovë.

Universiteti i Prizrenit do të jetë më karakter rajonal në të cilin do të mund të studiojnë të rinj nga të gjitha vendet e rajonit. Sivjet janë pranuar 1200 studentë ndërkaq kanë konkurruar mbi 2300 të interesuar, ndërsa të interesuar për të qenë pjesë e stafit akademik janë mbi 600 kandidatë të cilët kanë mbaruar studimet në Universitetin e Prishtinës dhe Universitet prestigjioze ndërkombëtare.

Ministri i Arsimit i Shkencës së Shqipërisë, z. Myqerem Tafaj është shprehur se "Qeveria e Shqipërisë, ka mirëpritur themelimin e UP-së në qytetin Historik të Prizrenit, dhe se do ta mbështesë atë në forma të ndryshme sipas nevojës e veçanërisht me kuadër profesional.

Përvoja e themelimit të universiteteve në rajone të ndryshme të vendit në Shqipëri është treguar shumë e suksesshme, besoj se kjo do të ndodhë me shumë sukses edhe në Kosovë, ndërsa Universiteti i Prizrenit për një kohë të shkurtër do të jetë i një cilësie të lakmueshme dhe konkurruese me te tjerët, ka thënë Ministri Tafaj.

Në pyetjen e gazetarëve drejtuar ministrit Hoxhaj se ç'farë do të bëhet me Fakultetin e Edukimit, ministri Hoxhaj është shprehur se, ky fakultet do të ekzistojë edhe më tutje por sivjet nuk do të regjistrohen student në vitin e parë përderisa ky fakultet sipas vlerësimeve të Agjensionit për Akreditim ende nuk i ka plotësuar kriteret. Ndryshe studentët e vitit të dytë të tretë dhe të katërt do të vijojnë mësimet këtu theksoi ministri Hoxhaj.

  <<< Kthehu prapa   |   Shtyp këtë artikull   |   Dërgo me email   |   A   A   A

12.05.2009, - E Martë
U rithemelua Komiteti i Prindërve të Arsimit në Kosovë - KPAK

Ministria e Arsimit, e Shkencës dhe e Teknologjisë (MASHT), ka rithemeluar Komitetin e Prindërve të Arsimit në Kosovë(...

  më shumë>>>

09.05.2009, - E Shtunë
KQSHM, shpalosi programin dhe dinamikën e përgatitjeve për “Matura 2009”

"Kemi hyrë në fazën finale të përgatitjeve të Provimit Shtetëror të Maturës-2009, i cili do të mbahet...

  më shumë>>>

08.05.2009, - E Premte
Përfundoi “Java e Shkencës në Kosovë”

Ministria e Arsimit, e Shkencës dhe e Teknologjisë ka organizuar" Java e shkencës në Kosovë" në të cilën...

  më shumë>>>

08.05.2009, - E Premte
Të hënën me 11 maj për nderë të “Ditës së Evropës” 2009 nuk do të ketë mësim

Ministria e Arsimit Shkencës dhe Teknologjisë, njofton se dita e hënë, 11 maj 2009 do të jetë ditë e lirë...

  më shumë>>>