26.07.2013, - E Premte
R E A G I M

Ministria e Arsimit, Shkencës dhe Teknologjisë (MAShT) reagon ndaj spekulimeve të Aleancës për Ardhmërinë e Kosovës (AAK) për qëndrimet e shprehura nga krerët e kësaj partie në një konferencë me media, ku është kritikuar puna e MAShT në disa procese.

Këtyre spekulimeve dëshirojmë t'iu përgjigjemi me fakte, të cilat po i theksojmë edhe një herë:

1.Objektiva për përfshirjen e fëmijëve në edukimin parashkollor mosha 0-6 vjet, është afatgjate, për të cilën MAShT po bënë përparime të vazhdueshme. Në vitin 2012 është hapur një institucioni parashkollor publik në komunën e Shtimes, dhe po ashtu është në ndërtim edhe një institucion parashkollor në komunën e Malishevës. Një nismë tjetër është ajo e organizimit të edukimit parashkollor publiko-privat, ku tashmë dy institucione publiko- private kanë filluar punën (njëri në komunën e Deçanit dhe një në komunën e Prishtinës). Nëse bëjmë një krahasim të statistikave, shohim se në vitin 2012 përfshirja e fëmijëve në nivelin e edukimit parashkollor ka qenë 5167, ndërsa në vitin 2013 përfshirja e fëmijëve është 5.389 fëmijë. Po ashtu, sa për informim të opinionit publik, në mesin e prioriteteve që ka MAShT, është edhe përfshirja e fëmijëve në klasën parafillore. Këto dy vitet e fundit një kujdes të veçantë po i kushtohet kësaj grup-moshe. Theksojmë se në vitin 2013 kemi 46 grupe edukative më shumë se në vitin 2012. Fëmijët e kësaj grup-moshe të fëmijëve, përveç organizimit në shkolla fillore, janë të organizuar edhe në 70 grupe edukative në organizimin e institucioneve parashkollore publike.

- Trajnimi pilot për implementimin e dokumentit të Standardeve të zhvillimit dhe të mësuarit në fëmijërinë e hershme 0-6 vjet, është mbajtur gjatë vitit 2012, me ç'rast janë trajnuar edukatorët e shtatë komunave në Kosovë, të cilët punojnë në institucionet parashkollore publike, dhe këto standarde menjëherë pas fazës së pilotimit do të zbatohen në të gjitha institucionet parashkollore publike në nivel vendi.

2. Ligji për arsimin parauniversitar i mundëson çdo fëmije regjistrimin dhe vijimin e mësimit të rregullt në çdo institucion të arsimit. Prandaj, shkalla e pranimit të nxënësve fillestar në Kosovë është 98 për qind.
Klasën e nëntë (9) të arsimit të mesëm të ulët e kanë përfunduar rreth 32 000 nxënës, ndërsa në konkurs për regjistrim në klasën e 10 të arsimit të mesëm të lartë (gjimnaze dhe shkolla profesionale) janë planifikuar nga DKA-të gjithsej 33 716 vende për regjistrim të nxënësve, çka tregon se të gjithë ata që kanë përfunduar arsimin e obliguar kanë mundësi të regjistrohen në arsimin e mesëm të lartë.

Për sa i takon arsimit të mesëm, regjistrimi është 86.9 për qind për vitin shkollor 2011/2012. Ndërsa, në krahasim me rajonin, Kosova qëndron më mirë se Kroacia, Maqedonia, Serbia dhe Bosnja e Hercegovina me 91.8 për qind të nxënësve.

3. Sa i përket Kornizës së Kurrikulës së Arsimit Parauniversitar (KKK) dhe pilotimit të saj dëshirojmë të theksojmë se nuk bëhet fjalë për korniza të reja a të vjetra kurrikulare, por për dokumentin shtetëror të emërtuar Korniza e Kurrikulës e Arsimit Parauuniversitar të Republikës së Kosovës, që është hartuar me një pjesëmarrje të gjerë të të gjithë subjekteve formal e joformal të arsimit në Kosovë dhe me mbështetje e asistencë profesionale edhe të Komisionit Evropian.

Janë arsye objektive ato që e kanë shtyrë procesin e fillimit të pilotimit të KKK-së, ndër të cilat mund të përmenden:

- Vetë kompleksiteti i ndërmarrjes ka kushtëzuar edhe vonesa në fillimin e zbatimit të pilotimit;

- Hartimi i kurrikulave bërthamë ka qenë një ndërmarrje që ka marrë mjaft kohë, aq më tepër që në të kanë qenë të përfshirë subjekte nga institucione përgjegjëse; struktura të MAShT-it, DKA-të, shkolla, konsulentë e konsulencë ndërkombëtare, komunitete, sindikata, qarqe profesionale mësuesish, fakultete etj.

- Gjuha e dytë e huaj në KKK realisht nuk është emërtuar, por ajo varet nga interesat e nxënësve etj. Në të vërtetë, ne aktualisht, në përputhje me interesat dhe nevojat arsimore e kulturore jemi duke hartuar kurrikula për gjuhën gjermane, frënge etj. (nga klasa 6).

- Është e ditur se ekziston numër i konsiderueshëm i kuadrit profesional të kualifikuar për kurrikulat e shkencave të natyrës, të cilat do të realizohen përmes mësimit/temave të integruara. Madje, për këtë mësimdhënësit janë të trajnuar dhe janë bashkëhartues të vetë kurrikulave.


4. Sa i përket përfshirjes së të rinjve në arsimin e lartë, dëshirojmë të theksojmë se shkalla e përfshirjes në këtë nivel të arsimit ka qenë më e ulëta në rajon.
Sipas strategjive për arsimin e lartë të BE-së, përfshirja e grupmoshave 18-25 vjeçare është paraparë të arrihet mesatarisht 30-35% deri më 2015, prandaj rritja e numrit të studentëve, ndër të tjera, ka qenë edhe si parakusht që ta arrijmë mesataren e vendeve të BE-së.

MAShT i bën me dije opinionit publik se është duke punuar vazhdimisht në ngritjen e cilësisë në të gjitha nivelet e arsimit.

  <<< Kthehu prapa   |   Shtyp këtë artikull   |   Dërgo me email   |   A   A   A

Share Share

 

31.08.2014, - E Diel
Telegram ngushëllimi

E nderuara familje Demiraj,

Me pikëllim të thellë e morëm lajmin për vdekjen e më të dashurit tuaj,...

  më shumë>>>

31.08.2014, - E Diel
Urimi i ministrit Buja me rastin e fillimit të vitit të ri shkollor

Me rastin e fillimit të vitit të ri shkollor 2014/2015, ministri i Arsimit, Shkencës dhe Teknologjisë, z.Ramë Buja, uron...

  më shumë>>>

28.08.2014, - E Enjte
MAShT dhe DKA të përgatitura për fillimin e vitit të ri shkollor

Ministri i Arsimit, Shkencës dhe Teknologjisë, z. Ramë Buja, mori pjesë në mbledhjen e Kolegjiumit të Drejtorive Komunale...

  më shumë>>>

29.08.2014, - E Premte
Përfundoi me sukses pjesa e parë e testit “Matura Shtetërore 2014” - afati i gushtit

Ministria e Arsimit, Shkencës dhe Teknologjisë, me sukses ka organizuar pjesën e parë të Testit të Maturës...

  më shumë>>>

 

KOMENTET DHE SUGJERIMET TUAJA

Klikoni këtu për komentet/sugjerimet tuaja >>>